په کندهار کي د ملي امنيت رياست د وسلو او يو تروريستي ډلي د نيولو خبر ورکړ .
ددي رياست چارواکي وايي چي تيره ورځ يي د کندهار ښار د نهمي ناحيي په مربوطاتو کي پر يوه کور باندي د تر لاسه سوي راپور پر بنسټ عمليات تر سره کړه  .
 د سرچيني په خبره د عملياتو په ترڅ کي اته ميله تومانچي ، دوه ميله کلاشنکوفونه ، پنځه ميله چرکي هاوانونه ، لس عدده د کلاشنکوف شاجوران ، دري عدده د لاسي بم کيلۍ ، دوه دوربينونه ، د امريکايي تومانچي  مرمۍ او  ٤٠ فيره د ټي ټي تومانچي مرمۍ تر لاسه کړي دي .
د ملي امنيت چارواکي د يو خبر له مخي وايي چي ددي تر څنګ د لوي ويالي په سيمه کي هم عمليات تر سره کړي دي چي په ترڅ کي يي يوه تروريستي ډله او هم  يي دري نفريزه  د سړي تښتوونکو ډله نيولي ده  چي دا مهال تر پوښتنو لاندي دي چي د نيول سوو کسانو څخه يو ميل تومانچه ، يو سټلايټ ټلفون او دوه موبايلونه هم په لاس ورغلي دي .
د يادوني وړ ده چي دوي ورځي مخکي هم د ملي امنيت رياست د زياتو چاوديدونکو توکو د نيولو خبر ورکړي وو .