دراپورلنډيز

دپنجوايي په ولسوالۍ کي دامنيت دتامين په موخه غونډه جوړه سوه .
د پنجوايي ولسوالۍ د شورا  په نوبتي  غونډه كي  د كورنيو او بهرنيو امنيتي ارګانو مسئولينو تر څنګ د ولايتي شورا مرستيال  او ګڼ شمېر د سيمي خلګو  ګډون كړى وو . د شورا نوبتي غونډه  د   سې شنبې  په ورځ   چي   د پنجوايي ولسوالۍ  د ولسوال حاجي باران خاكسار په مشري  د ناخوني په سيمه كي جوړه سوې وه     د ۴۰۴ ميوند زون د پوليسو د قومندانۍ مرستيال جنرال ميرويس ، په ناخوني كي د ملي اردو د ځواكونو قومندان   د ولايتي شورا مرستيال حاجي آغالالي دستګيري  او د كاناډايي ځواكونو د ضربتي قواوو  مشر جنرال وينس  هم  برخه اخيستې وه .

دراپورتفصيل

دپنجوايي په ولسوالۍ کي دامنيت دتامين په موخه غونډه جوړه سوه .

د پنجوايي ولسوالۍ د شورا  په نوبتي  غونډه كي  د كورنيو او بهرنيو امنيتي ارګانو مسئولينو تر څنګ د ولايتي شورا مرستيال  او ګڼ شمېر د سيمي خلګو  ګډون كړى وو .
د شورا نوبتي غونډه  د   سې شنبې  په ورځ   چي   د پنجوايي ولسوالۍ  د ولسوال حاجي باران خاكسار په مشري  د ناخوني په سيمه كي جوړه سوې وه     د ۴۰۴ ميوند زون د پوليسو د قومندانۍ مرستيال جنرال ميرويس ، په ناخوني كي د ملي اردو د ځواكونو قومندان   د ولايتي شورا مرستيال حاجي آغالالي دستګيري  او د كاناډايي ځواكونو د ضربتي قواوو  مشر جنرال وينس  هم  برخه اخيستې وه .

ولسوال حاجي باران خاكسار  د ناخوني د سيمي خلګو ته وويل چي نن ورځ  شورا ته  د دولتي چارواكو د راتګ موخه دا ده چي په دې سيمه كي بايد امنيت تامين سي خو دا كار  ستاسو د همكاريو پرته نسي تر سره كېداى . ښاغلي خاكسار زياته كړه چي پدې سيمه كي به د  باى مټريك سيسټم فعاله كړي تر څو په سيمه كي د پرديو خلګو پېژندنه وسي . خاكسار وويل چي د امنيت په تامينېدو سره به په  ناخوني كي د بيارغوني كارونه پيل سي او خلګو ته به دكار زمينه برابره سي .

د كاناډايي ځواكونو د ضربتي قواوو  مشر جنرال وينس  په ناخوني كي د امنيت د تامينېدو په موخه وويل چي پلان لري  د ملي اردو او كاناډايي ځواكونو په شمېر كي زياتوالئ  راولي  ده  دا هم وويل چي د ناخوني سيمي ته يې څلور لاري  ځانګړ ي كړي دي  چي د نورو لارو څخه به عام خلګ تګ او راتګ نه كوي د ده په وينا  دوى به و توانيږي  چي سيمي ته د دښمن  د راتګ  مخنيوى وكړي .جنرال وينس زياته كړه چي په سيمه كي  د هغو كسانو چي د دوى د ځواكونو لخوا يې كورونه  ، باغونه زيانمن سوي وي د هغه  په بدل كي به پيسې وركړي. او د باى مټريك د كارټونو د وېش خبره يې هم وكړه .

د ناخوني سيمي اوسېدونكو بيا پر دغو څلور لارو  كي ډيري ستونزي ويني  او وايي چي د دوى لاري اوږدېږي  او د باى مټريك  د كارټونو په اړه  يې وويل چي د دوى په باغو او مځكو كي داسي بزګران كار كوي  چي د نورو  سيمو څخه دلته راځي  نو د هغوى لپاره به مشكلات رامنځته  سي .

همدارنګه د ولايتي شوار ، ملي اردو او ملي پوليسو استازو  هم خبري وكړې دوى  د امنيت د ټينګښت په موخه د خلګو مرسته ډېره اړينه وباله  او د دوى څخه يې غوښتنه  وكړه چي د دولت سره همكاره و اوسي تر څو په سيمه كي د بيارغوني كارونه پيل سي او ټولو ځوانانو ته د كار زمينه برابره سي .